شوارع ملاكي

اذهب الى الأسفل

شوارع ملاكي

مُساهمة  علاء الدين في الإثنين 29 مارس - 9:47

من المعروف انه في جميع دول العالم المتحضر وغير المتحضر ان هناك قانون وارشادات مرورية تحكم الشوارع ولكن ما يحدث في قريتنا المصونة شيئ اخر فلا هو تابع للقانون ولا القيثارة ولا العود ولا المزمارة وانما يتبع قانون طبلي طبل يا معالم.
بمعنى ان كل واحد يقوم بتنفيذ اللي بيحصل في دماغة ، فمثلا واحد خير اللهم اجعلة خير حلم بحلم سعيد انه بيعمل مطب صناعي امام باب البيت الخاص بسيادة معاليه .
تلاقي في اليوم الثاني طلع الى الطريق السريع واخذ على عاتقه ان يجعل الحلم حقيقة ، تلاقية جاب الرمل والزلط وحتة دبش او حجر من المقاس العائلي ، مايضرش اهو كله خير ، واخلط الخلطة بالكريم شانتيه عفوا بالبلك وطبطب ، ووضب ، وتلاقي مصطبة محترمة بقت في الطريق (على فكرة كلمة مصطبة دي اقل تعبير يمكن وصف المطب بها ) ويقعد مبسوط بالي عملة والسواقين الوحشين اللي بيمشوا على سرعة 250 كم /س يستاهلوا كل اللي يجرالهم من المصطبة ....قصدي المطب...ولكن...!!
يا سعادة معالي صانع المطب ما فكرتش خمس دقائق قبل ما تعمل المطب ايه ممكن يحصل لو واحد غريب عن البلد دخل البلد بالليل ولقي المطب امامه فجأه!!!!!!!!!
ايه ممكن يحصل
طبعا النتيجة ممكن انه يتقلب ( مش مهم ) او ممكن يدخل في حيطة ( وماله برضو مش مهم ) او ممكن تتدغدغ بمعني يتم تدمير سيارته ( كبر دماغك ماهو اللي جابه لنفسه ) المحصله في النهاية سوف نجدها ان هناك ضرر سيحدث .
المفروض ان المطب يكون مصحوب بلافتة تحذيرية قبل المطب بحوالي 50 متر من كلا الجانبين كما ان المطب يتم طلائة بمادة فسفورية عتي يتم انعكاس ضوء مصابيح السيارة عنه ليلا.
وفي النهاية كلمتين
ياصنع المطب خليت القلب طب من الخوف والهلع بتقول ده كلام دلع مطب يمين وشمال والقانون ده حاله حال
امتى ينصالح الحال والله ده محال والكلام يجيب يجيب كلام والسئوال بلا جواب وارجع واقول ياسلام محدش بيسمع الكلام .
بالمناسبة قبل ان اختم كلامي احب اهدي للمجلس المحلي الموقر احث مطبين تم الانتهاء منهم في الطريق الفرعي الجديد بين موشا واسيوط عند كوبري الهويس .
اللي مش مصدق يدخل على الرابط ويشوف الصورة بنفسة http://www.4shared.com/file/251810237/737a3495
avatar
علاء الدين

عدد المساهمات : 19
السٌّمعَة : 0
تاريخ التسجيل : 25/03/2010
العمر : 45

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى